გამარჯობათ. ინდუქციურობის თვისების შესწავლისას გაკვეთილში ეწერა: "დენის მიერ შექმნილი მაგნიტური ველის B ინდუქციის მოდული პროპორციულია დენის ძალის." არადა ამპერის ძალის შესწავლისას ვისწავლეთ ფორმულა: B=F/IL საიდანაც გამომდინარეობს რომ დენის ძალა უკუპროპორციულია ინდუქციის. იქნებ დამეხმაროთ, სად ვუშვებ შეცდომას? :(( წინასწარ მადლობა <3

სურათზე ნაჩვენებია სწორი დენიანი პარალელური  გამტარების მაგნიტური ველის წირები და მათზე მოქმედი ძალები:  მაგ.

მარცხენა სურათზე გამოსახულია ერთმანეთისაგან  R  მანძილით დაშორებული  I₁  და   I₂     პარალელური  ერთნაირი მიმართულების სწორი დენიანი გამტარები. თითოეული დენიანი გამტარი თავის გარშემო ქმნის თავის მაგნიტურ ველს, რომლის მოდული დენის ძალის პროპორციულია -  ლოგიკურია რომ  მაგნიტ. ველის ინდუქცია დენიან გამტართან(''წყაროსთან'')   უფრო  დიდია:   \(B_{1}=\frac{\mu _{0}}{2\pi }\frac{I_{1}}{R}\)      და   ანალოგიურად  B₂ \(\sim\) I₂.       B₁  წირები  თავის  I₁ დენთან ქმნიან ''მარჯვენა ხრახნიან კონცენტრულ წრეწირებს ( მარჯვენა ხელის წესი), ანალოგიურად  B₂   თავის  I₂ -თან.....  

 I₂  დენიანი  გამტარი მოთავსებულია  I₁  დენის  B₁  მაგნიტურ ველში და პირიქით ..... ამიტომ  ამპერის კანონის თანახმად   I₂  დენიან გამტარზე იმოქმედებს  ძალა  F₁₂ --პირველის მხრიდან მეორეზე მოქმედი ძალა.    F₁₂  =  I₂B₁L  და  ანალოგიურად

 I₁  დენიან გამტარზე იმოქმედებს  ძალა  F₂₁ --მეორის მხრიდან პირველზე მოქმედი ძალა.    F₂₁  =  I₁B₂L ....ცხადია რომ ნიუტონის მესამე კანონის თანახმად ეს ძალები  მოდულით ერთმანეთის ტოლია  და მიმართულებით საპირისპირო.

ანალოგიურად შეგიძლია იმსჯელო მარჯვენა სურათის შემთხვევაშიც.....

ასე რომ შენი შეცდომა ფორმულის არასწორი ინტერპრეტაცია იყო ---   B=F/IL  ფორმულაში   B არის იმ მაგნიტური ველის ინდუქცია  რომელშიც   შეიტანეს  I  დენიანი L სიგრძის გამტარი და ამ ველმა მასზე F ძალით იმოქმედა .....   ამ ფორმულაში  I  დენი არ ქმნის  B მაგნ. ველს...... B მაგნ. ველს სულ  სხვა დენი  ქმნის -  სხვა  ''წყარო''  აქვს(თუნდაც მუდმივი მაგნიტი) 

---------------------------------------------------------------------------

_{ოლეგი გაბრიაძე}