გამოთვალეთ ტბის სიღრმე, თუ ფსკერიდან ზედაპირზე ამოსვლისას ჰაერის ბუშტის მოცულობა 3 – ჯერ გაიზარდა. ჩათვალეთ რომ წყლის ფსკერსა და ზედაპირზე ტემპერატურა ერთნაირია. ატმოსფერული წნევა ნორმალურია.

საკითხი აღებულია იდეალური აირის კანონებიდან, კერძოდ ე. წ. იზოთერმული პროცესის აღმწერი ბოილ-მარიოტის კანონის შესახებ:

მოც:  T = const

V₂ = 3V₁ 

P₂ = P₀  ≈ 10⁵ პა --------- ატმოსფერული წნევაა წყლის ზედაპირზე (პირობის თანახმად იგი ნორმალერად უნდა ჩაითვალოს)

--------------------------------------------------------------------------------------------------------------------------

საპოვნელია ტბის სიღრმე  h = ?

ბოილ- მარიოტის კანონის თანახმად იზოთერმული პროცესისათვის P₁V₁ =P₂V₂ = P₂(3V₁) , საიდანაც  P₁ = 3P₀ = 3•10⁵ პა ----ბუშტულაკში არსებული ჰაერის წნევაა ტბის ფსკერზე, რომელიც თავის მხრივ წყლის სვეტით გამოწვეული წნევისა(ე.წ. ჰიდროსტატიკური წნევა  - \(P=\rho gh\)  ) და ატმოსფერული წნევათა ჯამის ტოლია:  \(P_{1}=\rho gh+P_{0}\)   საიდანაც შეგვიძლია ტბის სიღრმის გამოთვლა:   \(h=\frac{P_{1}-P_{0}}{\rho g}=\frac{2P_{0}}{\rho g}\)

სადაც \(\rho\) = 1000 კგ/მ³ - წყლის  სიმკვრივეა ,  ხოლო  g = 10 მ/წმ^{2 --} თავისუფალი ვარდნის აჩქარებაა. რიცხვითი მონაცემების გათვალისწინებით

h = 20მ