| შეკითხვა: | დიდი ხანია არ შემიწუხებიხართ და ახლა უნდა შეგაწუხოთ :D :D <3 ასეთი დავალება შემხვდა: დასაშვებია თუ არა 220ვ ძაბვის ცვლადი დენის წრედში ისეთი კონდენსატორის ჩართვა რომლის გარღვევის ძაბვა 250ვ-ია? პასუხი დაასაბუთეთ-- დამეხმარეთ რაა ძალიან გთხოვთ :( <3 |
|---|---|
| პასუხი: | 220ვ ძაბვის ცვლადი დენის წრედში ნიშნავს, რომ 220ვ არის ცვლადი ძაბვის ე.წ. მოქმედი ანუ ეფექტური მნიშვნელობა - Uეფ = 220ვ რაც თავისმხრივ ნიშნავს, რომ მოცემული ცვლადი დენი გამტარში(ვთქვათ უთოში) გავლისას იგივე სითბურ ეფექტს იძლევა, რასაც 220 ვ-ის მუდმივი დენი... როდესაც ვამბობთ, რომ რომ მაგ "თელასი'' უზრუნველყოფს მოსახლეობისათვის 220 ვ ძაბვის მიწოდებას, იგულისხმება რომ ქსელში ჩართულ ყველა მომხმარებელს თითქოს მიეწოდება 220 ვ მუდმივი ძაბვა... არადა ამ დროს ქსელში სინამდვილეში ძაბვა ჰარმონიულად ირხევა 50 ჰც სიხშირით ( დენი ყოველ წამში 50-ჯერ იცვლის მიმართულებას და მნიშვნელობებსასაც) \(u=U_{max}Sin\omega t\) ( ან კოსინუსის ) კანონით... ანუ ძაბვის მოდული წამში 100 ჯერ იცვლის მნიშვნელობებს 0-დან Umax(ძაბვის ამპლიტუდა) მნიშვნელობამდე. არც თუ რთული მათემატიკური ოპერაციებით დგინდება რომ ჰარმონიული ცვლილებისას Uეფ = Umax /\(\sqrt{2}\) საიდანაც Umax = \(\sqrt{2}\) •Uეფ = 1,41 • 220 = 310 ვ სხვა სიტყვებით შენი კონდენსატორი ( რომელიც 250 ვ-ზე ირღვევა - ზიანდება) წამში 100 ჯერ მომენტალურად მოხვდება 250 ვ-ზე მეტი ძაბვის ქვეშ რის გამოც იგი დაი??? .... ბრიდება(როგორც იტყვიან ხოლმე ძველი ელექტრიკოსები --------------------------------------------------------- ოლეგი გაბრიაძე |
)