Q=I²RT da Q=U²T/R ორივე ხომ ერთი და იგივე სიდიდეა, მაგრამ პირველ შემთხვევაში წინაღობა გამოყოფილი სითბოს პროპორციულია მეორე შემთხვევაში კი უკუპროპორციული. ეს ფორმულები განსხვავებულ სიტუაციებში უნდა გამოვიყენოთ?

პირველ რიგში ყურადღება უნდა მიაქციო იმ აუცილებელ ფაქტს, რომ გამტარის წინაღობა  არ არის  დამოკიდებული არც მასში გამავალ დენის ძალაზე  და არც მის ბოლოებზე  არსებულ ძაბვაზე  და მითუმეტეს არც გამოყოფილ სითბოზე – იგი მხოლოდ გამტარის ნივთიერების გვარობაზე, მის გეომეტრიულ ზომებსა და ასევე ტემპერატურაზე არის  დამოკიდებული და მოცემული კონკრეტული გამტარისათვის მუდმივია.

ფორმულები უნდა გამოიყენო სიტუაციის შესაბამისად – თუ რა  მოცემულობის წინაშე დგახარ:.

სიმძლავრეების     შესადარებლად 

მიმდევრობითი შეერთებისას სჯობს გამოიყენო  Q=I²RT ფორმულა, რადგანაც ამ დროს ყველა გამტარში გამავალი დენის ძალა ერთიდაიგივეა.

პარალელური შეერთებისას კი   Q=U²T/R  ფორმულა, რადგანაც ამ დროს  გამტარებზე ძაბვა ერთიდაიგივეა.