| შეკითხვა: | სიბრტყეზე მოთავსებული 4 კგ მასის სხეული a=45 გრადუსიან დახრილ სიბრტყეზე მოსრიალებს 4 მწ/წმ2 აჩქარებით . სიბრტყის მართობულად რა მინიმალური ძალით უნდა ვიმოქმედოთ სხეულზე რომ მან თანაბრად იმოძრაოს |
|---|---|
| პასუხი: | დახრილ სიბრტყეზე ''ჩამომსრიალებელი'' ძალა ტოლია mgSina ...... ''შემაკავებელი'' კი არის უძრაობის ხახუნის ძალა, რომელსაც გააჩნია თავისი მოქმედების მაქსიმალური ზღვარი \(\mu\)N. რეაქციის N ძალა კი დახრილ სიბრტყეზე N = mgCosa , ამიტომ ეს ზღვარი \(\mu\)mgCosa ..... რაც არ უნდა '' გაიჭაჭოს'', უძრაობის ხახუნი \(\mu\)N მნიშვნელობას ვერ გადააჭარბებს. 1) თუ ჩამომსრიალებელი ძალა ვერ ''მოერევა'' შემაკავებელ ძალას mgSina < \(\mu\)mgCosa ანუ თუ \(\mu\) > tga , მაშინ სხეული უძრავად იქნება სიბრტყეზე და წაიტრაბახებს: '' ხვლიკის ტორმუზები მაქვს, ძვრას ვერ მიზამთო". 2) თუ პირიქით mgSina > \(\mu\)mgCosa ანუ \(\mu\) < tga , მაშინ სხეული ჩამოცურდება აჩქარებული მოძრაობით a = gSina - \(\mu\)gCosa (1) 3) და თუ mgSina = \(\mu\)mgCosa ანუ \(\mu\) = tga , მაშინ სხეული დარჩება სიბრტყეზე უძრავად ან ჩამოცურდება თანაბარი მოძრაობით. შენ გაქვს 1) შემთხვევა..... სხეული მოსრიალებს აჩქარებულად და იმისათვის რათა მოძრაობა იყოს თანაბარი, საჭიროა უძრაობის ხახუნის ძალის ზედა ზღვარის გაზრდა N რეაქციის ძალის გაზრდის ხარჯზე..... ძელაკს დამატებით უნდა დავაწვეთ სიბრტყის მართობულად რაღაც P ძალით, რათა გავზარდოთ ''ჭყლეტვის'' ძალა სხეულსა და სიბრტყეს შორის..... ამით გავზრდით უძრაობის ხახუნის ზედა ზღვარს. ასე, რომ თანაბარი მოძრაობისათვის საჭიროა mgSina = \(\mu\)(mgCosa + P) -------> P = ? ხახუნის კოეფიციენტის მნიშვნელობას კი წინასწარ დაადგენ (1) ფორმულიდან... ----------------------------- ოლეგი გაბრიაძე 599-544-227 This email address is being protected from spambots. You need JavaScript enabled to view it.......... ფიზიკა - მათემატიკა - ზოგადი უნარები აბიტურიენტებისათვის, მაგისტრობისა და მასწავლებლობის მაძიებლებისათვის.
|
