გამარჯობაა  <3 ისევ მე გაწუხებთ :დ <3  პირველ რიგში დიდი მადლობა მინდა გადაგიხადოთ დახმარებისთვის და ასეთი უმაგრესი საიტის შექმნისათვის <3 
ესაა ჩემი ამოცანა : მოძრავ ესკალატორზე სირბილისას ყმაწვილმა 50 საფეხური დაითვალა , ესკალატორის მიმართ სიჩქარის მოდულის სამჯერ გადიდების შემდეგ კი -75 . რამდენ საფეხურს დაითვლის ყმაწვილი უძრავ ექსკალატორზე? 
წინასწარ დიდი მადლობა <3 თქვენი იმედი მაქვს :d <3 

საინტერესო ამოცანაა... ღირს ყურადღების მიქცევა.

აღვნიშნოთ:

---ესკალატორის საფეხურებს შორის მანძილი  x -ით

ესკალატორის სიჩქარე ბაქანის(დედამიწის) მიმართ    v-თი

ბიჭის სიჩქარე  ესკალატორის მიმართ (საკუთარი სიჩქარე) პირველი არბენისას  v₁ -ით   და არბენის დრო   t₁-ით

შესაბამისად ბიჭის სიჩქარე ესკალატორის მიმართ მეორედ  გულამომჯდარი (აქოშინებული  ) არბენისას    3v₁ -ით და არბენის შესაბამისი დრო  t₂ -ით...

ამოცანის პირობის თანახმად  ექსკალატორის მიმართ გავლილი მანძილები:   v₁t₁ =  50x    და   3v₁t₂  =  75x  ....ტოლობათა ფარდობის შემდეგ            t₁ = 2t₂     (1)

ბაქანზე მყოფი დამკვირვებლის თვალსაზრისით   ორივე შემთხვევაში ბიჭი დედამიწის(ბაქანის)  მიმართ გადის ერთიდაიგივე      nx  მანძილს ( n = ?--საფეხურების რაოდენობაა  ქვედა და ზედა ბაქანს შორის უძრავი ესკალატორის შემთხვევაში)  და რადგანაც  დედამიწის მიმართ ბიჭის სიჩქარე  იქნება ბიჭის საკუთარი სიჩქარისა და ექსკალატორის სიჩქარეთა ჯამის, ამიტომ თითოეული შემთხვევისათვის დაწერს:  

nx = (v₁ +v)t₁ = v₁t₁ + vt₁ = 50x + vt₁ ---->>>> vt₁ = nx - 50x    (2)  და  ანალოგიურად

 nx = (3v₁ + v)t₂ = 75x +vt₂  ----->>>>     vt₂ = nx - 75x   (3)    

(2)    და (3)  ტოლობების ფარდობით    t₁/t₂ = (n-50) / (n-75)   

ამ უკანასკნელში კი გაითვალისწინე   (1) დამოკიდებულება და ამოხსენი   n = ?

----------------------------

  ან უფრო მოკლედ!

პირველ შემთხვევაში

ბიჭი იტყვის: მე ესწკალატორზე  t₁ დროში 50 საფეხური გავიარე   v₁  სიჩქარით და დაწერს   t₁ = 50x/ v₁

ესკალატორის ზედა ბაქანზე მყოფი ბიჭის  მომლოდინე  შეყვარებული გოგონა კი ეტყვის: როცა შენ ესკალატორზე შედექი, იმ მომენტიდან  სანამ შენ  ასეთი ზლაზვნით ამოდიოდი, ჩემს თვალწინ ესკალატორის  მთელმა (n - 50) - მა საფეხურმა   მოასწრო v სიჩქარით  ბაქნის ქვეშ შემალვა... იცოდე მეორეჯერ   ამდენი არ მათვლევინო -ო  და დაწერს(თუ ფიზიკა იცის)

 t₁ =(nx - 50x)/ v  ....... უი!-ო   და დაადგენენ    50/ v₁ = (n - 50)/ v   .....(11)

მეორე პაემანზე ბიჭი გაითვალისწინებს  რა  გოგონას საყვედურს   და  გულამომჯდარი აირბენს  ესკალატორზე  მთელ 75   საფეხურს  უკვე    3v₁ სიჩქარით (მაინც რა არის კაცო ეს სიყვარული...)    გოგონა დაწერს (აბა  მუხლებაკანკალებულ ბიჭს რაის თავი ექნებოდა...) 

75/3v₁ = (n - 75)/ v  ......(12)    

შემდეგ გაყოფენ   (11) -ს (12) -ზე    და ამოხსნიან    n = ???

 .და ყველაზე საინტერესო:  გააძრობენ  ტელეფონებს  მიიღებენ    

11/12 =  0, 91666666666666666666666666666    

-----------------------------------

და მაინც რას უდრის n?  .... ვიღაც მწერდა   n =100-ო.... მართალია ვითომ?

_{ოლეგი გაბრიაძე}