გამარჯობათ ბატონო ოლეგ, , ასეთი ამოცანაა: 1,5 მ სიგრძის მყარი ღეროს ბოლოებზე მოდებულია პარალელური ძალები. ერთ-ერთი ძალაა F₁= 100ნ. იპოვეთ მანძილი უდიდესი ძალის მოდების წერტილიდან ამ ძალების  ტოლქმედის  მოდების წერტილამდე, თუ ტოლქმედი F=150ნ.  ცხადია, მეორე ძალაა F₂=50ნ, მაგრამ პარალელური ძალების  ტოლქმედის მოდების წერტილი როგორ ვიპოვოთ ამ ამოცანაშიც და ზოგადად..   

სიტყვა  ტოლქმედის  ჩემი ჩამატებულია... იმედია ამას გულისხმობ.

 მყარ სხეულზე მოქმედი ძალები შეგვიძლია გავასრიალოთ ძალის მოქმედების წრფის გასწვრივ, ამით მისი ქმედებისუნარიანობა  არ დაირღვევა(სხეული მყარია )... ასეთ ძალებს ზოგჯერ ''სრიალა'' ძალებსაც უწოდებენ.

------------------------------------------------

  ცხადია, მეორე ძალაა F₂=50ნ

არა!... ზოგადად ეს ცხადი არა არის... შესაძლებელია მეორე შემთხვევაც   F₂ = 250 ნ .... ამ დროს ტოლქმედი ძალა მოდებული იქნება  არა  F₁  და    F₂ -ს შორის, არამედ F₂-ს  გარეთ იმ პირობით, რომ  F₁L₁ = F₂L₂    და  L₁ - L₂ = L 

მაგრამ რადგანაც შენს პირობაში მითითებულია, რომ  F₁  და    F₂  ძალები მოდებულია  ღეროს ბოლოებში ,  ამიტომ ეს ვარიანტი არ განხორციელდება.

---------------------------------------

დაბოლოს...

შესაბამისად შესაძლებელია მყარ სხეულზე მოქმედი ძალა დაიშალოს ლამის რაგინდნებისმიერი მიმართულების მდგენელებად

--------------------------------------------------

ოლეგი გაბრიაძე

 This email address is being protected from spambots. You need JavaScript enabled to view it..........  ფიზიკა - მათემატიკა - ზოგადი უნარები   აბიტურიენტებისათვის